Հայաստանի ֆուտբոլի ազգային հավաքականը ՖԻՖԱ-ի ֆետրվարյան վարկանիշում բարձրացել է չորս կետով և զբաղեցրել է 81-րդ տեղը։
Չորեքշաբթի ՖԻՖԱ-ի պաշտոնական կայք-էջում տեղադրված տեղեկությունից կարելի է եզրակացնել, որ հայկական թիմն իր հաշվին արդեն ունի 383 միավոր։
ՖԻՖԱ-ի փետրվարյան վարկանիշի համաձայն, Վրաստանի հավաքականը զիջել է իր դիրքերը և 384 միավորով գրավել է 80-րդ տեղը՝ իջնելով չորս կետով ։ Ադրբեջանի ազգային հավաքականը իջել է վեց կետով ՝ 250 միավորով զբաղեցնելով 122-րդ տեղը։
ՖԻՖԱ-ի վարկանիշով 2008թ. ֆետրվարի առաջատարների տասնյակն ունի հետևյալ պատկերը.
1.Արգենտինա (1523 միավոր),
2.Բրազիլիա (1503 միավոր),
3. Իտալիա (1498),
4. Իսպանիա (1349),
5.Գերմանիա (1296),
6. Չեխիա (1290),
7.Ֆրանսիա (1243),
8.Պորտուգալիա (1241),
9. Նիդերլանդներ (1170),
10. Հունաստան (1142):
Ընդհանուր հաշվով, աշխարհի ֆուտբոլի խմբային ցուցակ են մտել 199 երկրի հավաքականները։-0-
