Corus Chess 2008 շախմատային մրցույթի հինգերորդ փուլում Արոնյանը ոչ ոքի է խաղացել Անանդի հետ

Corus Chess 2008 շախմատային մրցույթի հինգերորդ փուլում Արոնյանը ոչ ոքի է խաղացել Վիշվանաթան Անանդի հետ։

Այսպիսով, Արոնյանը շարունակում է առանց պարտության հանդես գալ   հոլանդական Վեյկ ան-Զեեում։

Ինչպես ուրբաթ «Նովոստի-Արմենիա» գործակալությանը հայտնեցին հանրապետության Շախմատի ֆեդերացիայից, հինգ փուլերից հետո Արոնյանն ունի 3,5 միավոր, և «Ա» խմբում 1-3 տեղերն է կիսում  Մագնուս Կարլսենի (Նորվեգիա) և Թայմուր Ռաջաբովի (Ադրբեջան) հետ։

Վեցերորդ խաղաշրջանում Արոնյանը կխաղա Վլադիմիր Կրամնիկի հետ (Ռուսաստան)։

Լևոն Արոնյանը մրցույթի գործող առաջատարն է։ Վեյկ ան-Զեեում (Նիդերլանդներ) Corus Chess 2008 միջազգային շախմատային մրցույթն անցկացվում է 2008թ. հունվարի 11-27-ը։

Corus -2008-ը անցկացվում է երեք խմբերում շրջանաձև սկզբունքով, 14 շախմատիստների մասնակցությամբ։ Մրցույթի խաղարկային օրերն են հունվարի 12-15, 17-20, 22, 23, 25-27-ը։ Հանգստյան օրերն են հունվարի 16-ը, 21-ը և 24-ը։--0—