Հայաստանի մինչև 19 տարեկանների ֆուտբոլի հավաքականը գերազանց է կատարել իր առաջադրանքը. ՀՖՖ նախագահ

ԵՐԵՎԱՆ, 13 նոյեմբերի./Նովոստի-Արմենիա/. Հայաստանի մինչև 19 տարեկան պատանիների ֆուտբոլի հավաքականը (U-19) գերազանց է կատարել իր առջև դրված խնդիրը, երեքշաբթի Երևանում լրագրողներին հայտարարեց Հայաստանի ֆուտբոլի ֆեդերացիայի նախագահ Ռուբեն Հայրապետյանը։

«ԵՎՐՈ-2009-ի շրջանակներում անցնելով հաջորդ ընտրական փուլ՝ պատանիների հավաքականը գերազանց կատարեց իր առաջադրանքը»,- ասաց Հայրապետյանը։

ՀՖՖ նախագահի խոսքով, անցումը հաջորդ փուլ հնարավոր դարձավ ոչ միայն մարզիկների լավ խաղի շնորհիվ, այլև՝ մարզիչների աշխատանքի։

ԵՎՐՈ-2009-ի շրջանակներում ֆուտբոլի Հայաստանի մինչև 19 տարեկան պատանիների հավաքականը անցել է երկրորդ ընտրական փուլ՝ յոթերորդ խմբում զբաղեցնելով երկրորդ տեղը։

Հայ ֆուտբոլիստներին հաջողություն բերեց Լեհաստանի հավաքականի հետ խաղում գրանցված ոչ-ոքի արդյունքը։ Մինչ այդ Հայաստանի հավաքականը ոչ-ոքի արդյունքով խաղացել էր Լիտվայի հավաքականի հետ, իսկ Սան-Մարինոյի ֆուտբոլիստներին հաղթել էր 1։0 հաշվով։

Հայաստանի հավաքականի մրցակիցները երկրորդ ընտրական փուլում հայտնի կդառնան վիճակահանության արդյունքում, որը տեղի կուեննա նոյեմբերի վերջին։ -0—