ԵՐԵՎԱՆ, 29 հոկտեմբերի./Նովստի-Արմենիա/. Հայ շախմատիստները հաղթանակով են մեկնարկել հունական Կրիտ կղզու վրա տեղի ունեցող Եվրոպայի թիմային առաջնությունը։
Ինչպես երկուշաբթի հաղորդեցին «Նովոստի-Արմենիային» հանրապետության Շախմատի ֆեդերացիայից, նախօրեին առաջին փուլի ժամանակ Հայաստանի տղամարդկանց հավաքականը հաղթանակ է տարել ռումինացի շախմատիստների նկատմամբ՝ 3։1 հաշվով, իսկ կանանց հավաքականը Շվեդիայի թիմի նկատմամբ՝ նույն հաշվով։
Գաբրիել Սարգսյանը հաղթել է Կոնստանտին Լուպուլեսկուին, Սմբատ Լպուտյանը՝ Անդրեյ Մուրարիուին, իսկ Վլադիմիր Հակոբյան-Վլադիսլավ Նևեդնիչի և Կարեն Ասրյան-Վլադ-Քրիստիան Գիանու հանդիպումներն ավարտվել են ոչ-ոքի։
Կանանց առաջնությունում հայ շախմատիստուհիները հաղթել են, խաղալով հետևյալ զույգերով՝ Էլինա Դանիելյան-Սվետլանա Ագրեստ, Նելլի Աղինյան-Վիկտորյա Իոհանսոն, Սիրանուշ Անդրիասյան-Եվա Իրետորն, իսկ Լիլիթ Մկրտչյանը պարտվել է Քրիստին Անդերսոնին։
Երկրորդ փուլում հայ շախմատիստների՝ թե կանանց և թե տղամարդկանց, մրցակիցները լինելու են ռուսները։
Շախմատի Եվրոպայի թիմային առաջնությունը տեղի է ունենում հոկտեմբերի 27-ից նոյեմբերի 6-ը հունական Հերակլիոն քաղաքում, շվեյցարական համակարգով՝ 9 փուլով։ Ժամանակի վերահսկումը. խաղը տևում է 90 րոպե՝ 40 քայլերի համար և ևս 30 րոպե մինչև ավարտը՝ յուրաքանչյուր հաջորդ քայլի համար ավելացնելով 30 վայրկյան՝ սկսած առաջինից։
Առաջնությանը մասնակցում են աշխարհի տարբեր երկրներից ժամանած 30 կանանց և 40 տղամարդկանց թիմեր, յուրաքանչյուր թիմ կազմված է 4 հիմնական և 1 պահեստային մասնակցից։ --0—
