Bank King հայկական շախմատային ակումբը երկրորդ հաղթանակն է տարել Եվրոպայի ակումբային առաջնությունում

Bank King հայկական շախմատային ակումբը երկրորդ անընդմեջ հաղթանակն է տարել Թուրքիայի Քեմերե քաղաքում անցկացվող Եվրոպայի 23-րդ ակումբային առաջնությունում (European Club Cup 2007)։

Ինչպես ուրբաթ տեղեկացրին «Նովոստի-Արմենիա» գործակալությանը հանրապետության Շախմատի Ֆեդերացիայից, անցած օրը երկրորդ փուլում հայկական ակումբը հաղթել է հունական Aquaprofit Chess Club Nagykanisza թիմին 4,5-1,5 հաշվով։

Իրենց պարտիաներում Տիգրան Լ. Պետրոսյանը, Արտաշես Մինասյանը և Ռաֆայել Վահանյանը համապատասխանաբար հաղթել են՝ Գարգելի-Անդրասա-Գյուլի-Սաբոյին, Ալբերտ Բոկրոսին և Իվան Ֆարագային։

Ոչ ոքիով են ավարտվել Կարեն Ասրյան, Սմբատ Լպուտյան-Կոնստանտին Լուպուլեսկու և Ռաֆայել Վահանյան-Լուկա Լենիկ հանդիպումները։

Ներկայումս  Bank King-ը 10 միավորով կիսում է 4-6-րդ տեղերը Keystone Ukraine և Utrecht Netherlands թիմերի հետ։ 12 միավորով առաջատարն է Ural Sverdlovskaya Russia թիմը, նրան մեկ միավորով զիջում են OSC Baden-Baden e.V. German և Alkaloid Macedonia թիմերը։

Շախմատի եվրոպական գավաթի 23-րդ մրցույթն անցնում է Թուրքիայում հոկտեմբերի 2-ից 10-ը շվեյցարական 7 փուլային համակարգով։ Տղամարդկանց մրցույթում խաղում են 56 թիմեր, որոնցից յուրաքանչյուրում 6 հիմնական և 2 փոխարինող խաղացողներ են։

Ժամանակի սահմանափակումն է. մեկ խաղի համար 90 րոպե գումարած յուրաքանչյուր քայլին 30 վայրկյան։ Հաղթողը որոշվում է թիմային միավորների գումարով։ Տեղերի կիսման դեպքում անհատական միավորների գումարը առաջին հավելյալ ցուցանիշն է։—0—