Երևանի ՄԻԿԱ Երևան շախմատի ակումբը հաղթանակ է տարել Եվրոպայի ակումբային չեմպիոնատի առաջին փուլում

ԵՐԵՎԱՆ, 4 հոկտեմբերի./Նովոստի-Արմենիա/. Երևանի ՄԻԿԱ Երևան շախմատի ակումբը հաղթանակ է տարել հոլանդական «Ուտրեխտ» թիմի նկատմամբ՝ թուրքական Անթալիա քաղաքում տեղի ունեցող 2007թ. Եվրոպայի կանանց ակումբային չեմպիոնատի առաջին փուլում (European Club Cup 2007)։

Ինչպես հայտնվում է երևանյան ակումբի պաշտոնական կայքում, իրենց մրցախաղերը հաղթանակով են ավարտել միջազգային վարպետներ Էլինա Դանիելյանը, Նինո Խուրցիձեն և Լիլիթ Մկրտչյանը, որոնք խաղում էին համապատասխանաբար Արլետտ վան Վեերսելի, Լաուրա Բենսդորի և Մարտինա Միդդելվելդի դեմ։

Հայկական ակումբի կազմում խաղացող աշխարհի նախկին չեմպիոնուհի Մայա Չիբուրդանիձեն ոչ-ոքի է խաղացել Մարլիզ Բենսդորպի հետ։

Առաջին փուլից հետո «ՄԻԿԱ» ակումբը 3,5 միավորով կիսում է 4-6 տեղերը "Cercle d Echecs de Monte-Carlo", "SK T-Com Podgorica", "Iterplast Tbilisi" ակումբների հետ։

Առաջին փուլից հետո չորս միավորով առաջատար դիրքերում են "AVS Krasnoturinsk", "Southern Ural Cheliabinsk" և "Economist Saratov" ակումբները։

Եվրոպայի չեմպիոնատը տեղի է ունենում Թուրքիայում հոկտեմբերի 2-10։ Մրցումները անցկացվում են շվեյցարական համակարգով՝ 7 փուլերով։ Կանանց առաջնությունում մասնակցում են 18 ակումբներ։ --0—