Արոնյանը պարտություն է կրել Գելֆանդի կողմից Մեքսիկայում անցկացվող շախմատի աշխարհի առաջնության հինգերորդ փուլի ժամանակ

Հայ գրոսմայստեր Լևոն Արոնյանը պարտություն է կրել իսրայելացի Բորիս Գելֆանդի կողմից Մեքսիկայում անցկացվող դասական շախմատի աշխարհի առաջնության հինգերորդ փուլի ժամանակ, չորեքշաբթի «Նովոստի-Արմենիա» գործակալությանը տեղեկացրեցին Հայաստանի շախմատի ֆեդերացիայից։

 Հնդկաստանից Վիշվանատան Անանդը հաղթանակ է տարել ռուս Պյոտր Սվիդլերի նկատմամբ, իսկ Ռուսաստանից Ալեքսանդր Գրիշչուկը հաղթանակ է տարել իր հայրենակից Ալեքսանդր Մորոզևիչի նկատմամբ։

 Աշխարհի գործող չեմպիոն ռուս Վլադիմիր Կրամնիկը և հունգարացի Պյոտր Լեկոն խաղացել են ոչ ոքի։

Հինգ փուլերի արդյունքներով 3,5 միավորով առաջատարն է Անանդը, նրանից հետո նվազագույն միավորների տարբերությամբ հաջորդում է Կրամնիկը, Գրիշչուկն ու Գելդֆանդը ունեն երեքական միավոր։ Արոնյանը, Մորոզևիչը և Լեկոն ունեն 2-ական միավոր, իսկ 1,5 միավորով առաջնության աղյուսակը եզրափակում է Սվիդլերը։

 Առաջնության վեցերրորդ փուլում տեղի կունենան հետևյալ հանդիպումները.  Սվիդլեր-Արոնյան, Կրամնիկ-Գելֆանդ, Մորոզևիչ-Լեկո և Անանդ-Գրիշչուկ։

Շախմատի աշխարհի առաջնությունն անցկացվում է Մեքսիկայի մայրաքաղաքում՝ երկու փուլով։ Խաղերի օրերն են՝ սեպտեմբերի 13-16-ը, 18-21-ը, 23-25-ը և 27-29-ը։ Անհրաժեշտության դեպքում սեպտեմբերի 30-ին կանցկացվի թայ-բրեյք։ 

Առաջնության կազմկոմիտեն գլխավորում է Խորխե Սագիանտեն, մրցանակային ֆոնդը 1,3 ԱՄՆ դոլար է։-0-