Դիմում ենք Հայաստանի բոլոր երկրպագուներին` օգնելու մեզ հաջող տոնել ՖԻՖԱ-ի Արդար խաղի համաշխարհային օրը. ՀՖՖ նախագահ

 Սեպտեմբերի 21-ին նշվում է ՖԻՖԱ-ի Արդար խաղի համաշխարհային օրը, ինչի կապակցությամբ ուղերձով հանդես է եկել ՀՖՖ նախագահ Ռուբեն Հայրապետյանը, այս մասին «Նովոստի-Արմենիային» հայտնեցին  ՀՖՖ մամուլի ծառայությունից։

 «Արդար խաղը անհրաժեշտ է մեր սպորտին եւ նրանում ընդգրկվածներից յուրաքանչյուրին: Մենք պետք է ուսումնասիրենք սպորտային ոգու արժեքները եւ աշխատենք անդադար` նեցուկ լինելու այդ մղումներին: Մենք դիմում ենք Հայաստանի բոլոր երկրպագուներին` օգնելու մեզ հաջող տոնել ՖԻՖԱ-ի Արդար խաղի համաշխարհային օրը»,-ասված է ՀՖՖ նախագահ Ռուբեն Հայրապետյանի ուղերձում։:

Հաղորդագրոթւյան համաձայն, ՖԻՖԱ-ի արդար խաղի արշավն ավելին է, քան զուտ արդար խաղի խթանումը դաշտում` մրցաշարերի ընթացքում:

ՖԻՖԱ-ն վճռական է արդար խաղի կանոնները խրախուսել նաեւ հասարակության մեջ` առաջնորդվելով օրինակներով եւ ցուցաբերելով արդարություն, անաչառություն եւ համերաշխություն իր բոլոր խմբերի միջեւ՚:

1997թ. ներկայացվելուց հետո ՖԻՖԱ-ի Արդար Խաղի Համաշխարհային Օրը նշվում է արդեն 11-րդ անգամ: Նախորդ տարիներին միջոցառումներ էին ձեռնարկվել աշխարհի տասնյակ երկրներում, որոնք ընդգրկում էին ֆուտբոլի տարբեր շերտերը` մասսայականից մինչեւ բարձրակարգ, նաեւ հանրային նախագծերը: Այս նախաձեռնությունը վայելում է ՖԻՖԱ-ի նախագահ` Յոզեֆ Բլատտերի անձնական աջակցությունը: --0—