Պետերբուրգում մահացել է ժամանակակից հնգամարտի օլիմպիական չեմպիոն Իգոր Նովիկովը

Չորեքշաբթի Սանկտ-Պետերբուրգում կյանքի 78-րդ տարում հանկարծամահ է եղել Մելբուրնի (1956 թ.) ХVI  օլիմպիական խաղերի չեմպիոն և Տոկիոյի (1964 թ.) ժամանակակից թիմային հնգամարտի ХVIII խաղերի չեմպիոն,  հանրահայտ մարզիկ Իգոր Նովիկավը։ Այս մասին հաղորդում է «ՌԻԱ-Նովոստին»՝ հղում անելով ֆիզիկակական դաստիարակության և սպորտի  Սանկտ-Պետերբուրգի քաղաքային կոմիտեի տեղեկատվությանը։

«Իգոր Նովիկովի անունը հայտնի է սպորտի ողջ աշխարհին, նրա նշանավոր հաղթանակները մինչև օրս հիացմունք են առաջացնում այժմյա հնգամարտիկների մոտ։ ՍՍՀՄ-ի սպորտի վաստակավոր գործիչ Իգոր Նովիկովը աշխարհի հնգակի չեմպիոն է։ Քառակի անգամ դարձել է անհատական և թիմային գծով մոլորակի առաջնության բրոնզե մեդալակիր։ Նա սպորտային բազմամրցության, հնգամարտի ՍՍՀՄ բազմակի չեմպիոն է, 1956 թ.-ին տեղի ունեցած ՍՍՀՄ ժողովուրդների առաջին ամառային Սպարտակիադայի հաղթողը», - նշվում է տեղեկատվության մեջ

ՍՍՀՄ վաստակավոր մարզիչ Իգոր Նովիկովը մարզել է բազմաթիվ հնգամարտիկների, որոնք դարձել են ՍՍՀՄ և աշխարհի չեմպիոններ, գլխավորել է երկրի երիտասարդ հնգամարտիկների դպրոցը։

Մեծ սպորտից հեռանալուց հետո Ի. Նովիկովը աշխատել է որպես հայկական ԽՍՀ-ի սպորտկոմիտեի նախագահ, գլխավորել է ժամանակակից հնգամարտի միութենական ֆեդերացիան, բազմաթիվ տարիներ եղել է ժամանակակից հնգամարտի և բիատլոնի միջազգային միության փոխնախագահ, իսկ 1992 թ.-ից ի վեր եղել է այդ միության պատվավոր նախագահ։

Իգոր Նովիկովը պարգևատրվել է Աշխատանքային Կարմիր շքանշանով, «Աշխատանքային արիության համար» երկու մեդալներով, Ժամանակակից հնգամարտի միջազգային միության պատվավոր ոսկե մեդալով։-0-