Մադրիդի «Ռեալի» նոր գլխավոր մարզիչ է դարձել Բեռնդ Շուստերը

Բեռնդ Շուստերը երկուշաբթի դարձել է ֆուտբոլի Իսպանիայի գործող չեմպիոն Մադրիդի «Ռեալ» ֆուտբոլային ակումբի գլխավոր մարզիչ։ 

Ինչպես, հղում կատարելով Reuters-ին, տեղեկացրել է ՌԻԱ Նովոստին, գերմանացի մարզիչն այդ պաշտոնում փոխարինել է Ֆաբիո Կապելլոյին, որը հեռացվել էր հունիսի վերջին։ Իտալական մարզչին չէր փրկել անգամ այն, որ անցած խաղաշրջանում «Արքայական ակումբը» վերջին չորս տարում առաջին անգամ հաղթել էր երկրի առաջնությունում։ 

Անցած երկու խաղաշրջաններում 48-ամյա Շուստերը մարզել է իսպանական «Խետաֆեն»։ Թե 2006-ում, թե 2007-ում այդ թիմը «Պրիմերայում» (իսպանական ֆուտբոլի ընտրանում) գրավել է 9-րդ տեղը։–0—