«Ռոման» ցանկանում է գնել Հենրիխ Մխիթարյանին «Արսենալից»

ԵՐԵՎԱՆ, 24 փետրվարի./Նովոստի-Արմենիա/. «Ռոմայի» գլխավոր մարզիչ Պաուլու Ֆոնսեկան հայտնել է, որ ակումբը ցանկանում է գնել կիսապաշտպան Հենրիխ Մխիթարյանին «Արսենալից», հաղորդում է sports.ru-ն:

Հիշեցնենք, որ նախօրեին «Ռոման» սեփական հարկի տակ ջախջախեց «Լեչչեին» 4։0 հաշվով։ Իր հերթին Մխիթարյանը դարձավ միաժամանակ գոլի ու գոլային փոխանցման հեղինակ:

Նշենք, որ Մխիթարյանը հանդես է գալիս «Ռոմա»–ի կազմում վարձակալության հիմունքներով մինչև ընթացիկ խաղաշրջանի ավարտ։ –0–