Մխիթարյանը ճանաչվել է «Անդերլեխտ»-«ՄՅու» հանդիպման լավագույն ֆուտբոլիստ (ՏԵՍԱՆՅՈՒԹ)

ԵՐԵՎԱՆ, 14 ապրիլի. /Նովոստի-Արմենիա/. Հայաստանի հավաքականի և «Մանչեսթեր Յունայդեթի» կիսապաշտպան Հենրիխ Մխիթարյանը ճանաչվել է նախօրեին կայացած Եվրոպա լիգայի քառորդ եզրափակչում «Անդերլեխտի» հետ արտագնա հանդիպման լավագույն ֆուտբոլիստ, հայտնում է Հայաստանի ֆուտբոլի ֆեդերացիան Facebook-ի իր էջում:

Հինգշաբթի «Մանչեսթեր Յունայթեդը» 1/4 եզրափակչում բելգիական «Անդերլեխտի» հետ ոչ-ոքի է խաղացել` չկարողանալով պահել հաղթանակը Մխիթարյանի գոլից հետո: Խաղը կայացել է «Կոնստանտ Վանդեն Սթոք» մարզադաշտում:

37-րդ րոպեին Մարկուս Ռեշֆորդի հարվածից հետո դարպասապահը հետ է մղել գնդակը, իսկ վրա հասած Հենրիխ Մխիթարյանը սուր անկյունից գրավել է «Անդերլեխտի» դարպասը: «Անդերլեխտը» կարողացել է խուսափել պարտությունից Լեանդեր Դենդոկերի` հանդիպման ավարտից 4 րոպե առաջ խփած գոլի շնորհիվ:

Սա Մխիթարյանի արդեն 4-րդ գոլն էր Եվրոպա լիգայում` «Մանչեսթեր Յունայթեդի» արտագնա հանդիպումներում:

«Անդերլեխտի» հետ պատասխան խաղը տեղի կունենա ապրիլի 20-ին: -0-