Մխիթարյանը հանդիպման լավագույն խաղացող է ճանաչվել

ԵՐԵՎԱՆ, 25 նոյեմբերի. /Նովոստի–Արմենիա/. Հայաստանի հավաքականի կիսապաշտպան Հենրիխ Մխիթարյանի ընդամենը երկրորդ հայտնվելը «Մանչեսթեր Յունայթեդի» մեկնարկային կազմում «Ֆեյենորդի» դեմ խաղում նրան բերեց հանդիպման լավագույն խաղացողի կոչում։



Հայ կիսապաշտպանի օգտին քվեարկել է ակումբի երկրպագուների 71 տոկոսը, և Մխիթարյանը վստահ առաջ է անցել մյուս թեկնածուներ Ուեյն Ռունիից և Խուան Մաթայից «Յունայթեդի» պաշտոնական թվիթերում անցկացված քվեարկությունում։



BT Sport հեռուստաալիքին խաղից հետո տրված հարցազրույցում Հենրիխն ասել է. «Իսկական հաճույք է կրկին դաշտ դուրս գալը։ Ես խաղում էի ուժերիս առավելագույն չափով և, կարծում եմ, մենք լավ արդյունքի հասանք»։



«Շատ բարդ էր կողքից հետևել թիմի խաղին, բայց ես գիտեի, որ չի կարելի թուլանալ։ Շարունակում էի համառորեն աշխատել և սպասել իմ հնարավորությանը։ Կդառնա, արդյո՞ք, այս խաղն ինձ համար ինչ–որ նոր բանի սկիզբ։ Շատ մեծ հույսեր ունեմ, տեսնենք», – Մխիթարյանի խոսքն է մեջբերում manutd.ru–ն։



Մխիթարյանը հայտավորվել էր «Ֆեյենորդի» դեմ նախօրեի խաղի «ՄՅու» մեկնարկային կազմում։ Մխիթարյանը փոխարինվել է խաղի 82–րո րոպեին։

Մանկունիանցիները հաղթանակ են տարել 4։0 հաշվով։ -0-