«Մանչեսթեր Յունայթեդը» վան Գալին 6.5 մլն եվրո կվճարի պայմանագիրը խզելու համար

ԵՐԵՎԱՆ, 23 մայիսի. /Նովոստի–Արմենիա/. Հոլանդացի մարզիչ Լուի վան Գալը, ով ազատվել է «Մանչեսթեր Յունայթեդի» գլխավոր մարզչի պաշտոնից, 5 մլն ֆունտի (6,5 մլն եվրո) փոխհատուցում կստանա պայմանագիրը ժամանակից շուտ խզելու համար, հայտնում է Goal.com–ը։

Ընդ որում, պաշտոնապես հոլանդացի մասնագետի ազատման մասին դեռևս չի հայտարարվել, սակայն բրիտանական ԶԼՄ–ներն երկուշաբթի ավելի վաղ հայտնել են, որ եռամյա պայմանագրի լուծարման սկզբունքային որոշումն արդեն ընդունվել է։ Նշենք, որ պաշտոնապես այն գործում է դեռևս 12 ամիս, հաղորդում է Ինտերֆաքսը։


Goal.com–ն ընդգծում է, որ առայժմ դրանք չհաստատված տվյալներ են, սակայն, բազմաթիվ հաղորդագրությունների համաձայն, վան Գալի հետ միասին ակումբը կլքի մարզչական ողջ շտաբը, ներառյալ Մանչեսթեր Յունայթեդի նախկին խաղացող Ռայան Հիգսին։

ԶԼՄ–ները նշում են նաև, որ «Մանչեսթեր Յունայթեդի» նոր մարզիչ կդառնա «Չելսիի» նախկին մարզիչ Ժոզե Մոուրինիոն, ով, լրագրողնարի տվյալներով, իր հերթին 4 մլն ֆունտ է ստացել այլ ակումբներից առաջարկներ չընդունելու խոստման դիմաց։

Հաղորդվում է նաև, որ ամառային տրանսֆերների ժամանակ Մոուրինիոն կստանա 200 միլիոն ֆունտ։ Մասնագետը միաժամանակ պարտավոր է խուսափել ցանկացած սկանդալից, հակառակ դեպքում կտուգանվի։ Ենթադրվում է, որ նա 75 միլիոն ֆունտի հնգամյա պայմանագիր կստորագրի։ -0-