ԵՐԵՎԱՆ, 21 մայիսի. /Նովոստի–Արմենիա/. Մեծ Բրիտանիայում Ադրբեջանի դեսպան Թաիր Տագիզադեն խոստացել է երաշխավորել «Արսենալ»–ի հայ կիսապաշտպան Հենրիխ Մխիթարյանի անվտանգությունը Բաքվում գտնվելու ընթացքում, որտեղ մայիսի 29–ին իր թիմը կխաղա անգլիական «Չելսի»–ի հետ Եվրոպա Լիգայի եզրափակչում։
Ինչպես գրում է
ՏԱՍՍ–ը, հղում անելով բրիտանական Sky Sports հեռոըսռաալիքին, Տագիզադեն Մխիթարյանին առաջարկել է անմիջապես իր հետ կապվել, որ ինքը կարողանա երաշխավորել նրա անվտանգությունն Ադրբեջանում։ «Ուրախ կլինեիր, եթե նա ինձ հետ խոսեր»,– ասել է Տագիզադեն։
Загружается новость ...
"Право"
«Նրա [Մխիթարյանի] խնդիրն այն է, որ նա այցելել է Ադրբեջանի օկուպացված մասը (Լեռնային Ղարաբաղ) առանց երկրի կառավարության թույլտվության։ Դա հետևանքներ ունի, այդ թվում` կառավարության սև ցուցակում հայտնվելը։ Բայց նրա անվտանգությունը երաշխավորվում է»,– ավելացրել է Ադրբեջանի դեսպանը։
Ավելի վաղ ֆուտբոլային ասոիցիացիաների միությունը (ՈՒԵՖԱ) հայտարարել էր, որ կապահովի 30–ամյա ֆուտբոլիստի անվտանգությունը և կօգնի վիզա ստանալ Ադրբեջան մուտք գործելու և այլ փաստաթղթեր ձևակերպելու հարցում։
«Արսենալ»–ի ղեկավարությունը համարում է, որ դեռևս էական ռիսկ կա, քանի որ Մխիթարյանին առնչվող ցանկացած իրավիճակ հյուրանոցում կամ քաղաքով ուղևորությունների ժամանակ կարտացոլվի թիմի վրա։ Եվրոպա լիգայի եզրափակչին ֆուտբոլիստի մասնակցության վերջնական որոշումը կընդունվի ավելի ուշ, երբ թիմը Բաքու պատրաստվի մեկնել մայիսի 25–ին։ -0-