ԵՐԵՎԱՆ, 14 օգոստոսի. /Նովոստի–Արմենիա/. Երկուշաբթի Սենթ Լուիսում մեկնարկում է Grand Chess Tour շախմատային մրցաշարի չորրորդ տուրը։
Շախմատի սիրահարները բացառիկ հնարավորություն կունենան տեսնելու հայ գրոսմայստեր Լևոն Արոնյանի և աշխարհի 13–րդ չեմպիոն Գարի Կասպարովի շախմատային մենամարտը։ Խաղի ամսաթիվն առայժմ չի որոշվել։
Դա կլինի Կասպարովի առաջին մրցաշարը հուլիսի 5–ին շախմատային սեղանի շուրջ վերադառնալու պաշտոնական հայտարարությունից հետո։
Загружается новость ... "Лево"
Ռապիդի առաջին ռաունդում Արոնյանը կխաղա չեխ Դավիդ Նավարայի հետ, իսկ Կասպարովը կհանդիպի Սերգեյ Կարյակինի հետ, նշվում է մրցաշարի պաշտոնական կայքում։
Օգոստոսի 14-19–ին անցկացվող մրցաշարին կմասնակցեն 10 գրոսմայստերներ, ովքեր կխաղան մեկ շրջան ռապիդ (25 րոպե + 10 վրկ մեկ քայլի համար) և երկու շրջան բլից (5 րոպե + 3 վրկ մեկ քայլի համար)։ Ռապիդում հաղթանակի համար կտրվի 2 միավոր, ոչ ոքիի համար` 1։ Բլիցում հաղթանակի համար կտրվի 1 միավոր` ոչ ոքիի համար` 0.5 միավոր։
Մրցանակային հիմնադրամը կազմում է 150 հազար դոլար, իսկ հաղթողը կստանա 37.5 հազար դոլար։ -0-