Խորեն Բայրամյանը հանդես կգա Հայաստանի ազգային հավաքականում

ԵՐԵՎԱՆ, 18 հուլիսի./Նովոստի-Արմենիա/. Հայաստանի ֆուտբոլի ֆեդերացիայի և Խորեն Բայրամյանի միջև ձեռք է բերվել պայմանավորվածություն, որի համաձայն ռուսական «Ռոստովի» 28-ամյա ֆուտբոլիստը հանդես կգա Հայաստանի ազգային հավաքականի կազմում, նշվում է ՀՖՖ կայքում:

« Բայրամյանը մեր հավաքականին կմիանա արդեն առաջիկա հավաքի ընթացքում` պատրաստվելու ՈւԵՖԱ Ազգերի Լիգայի մրցաշարին»,- նշվում է հաղորդագրության մեջ:

Խորեն Բայրամյանը ծնվել է 1992 թվականի հունվարի 2-ին՝ Տավուշի մարզի Կոթի գյուղում։ Իր կարիերայի ընթացքում հանդես է եկել հետևյալ թիմերում․ «Ռոստով» (Ռուսաստան) - 2011-2013, «Ռոտոր» (Ռուսաստան) - 2013-2014,  «Վոլգար» (Ռուսաստան) - 2014-2015,  «Ռոստով» (Ռուսաստան) - 2015-2018,  «Ռուբին» (Ռուսաստան) - 2018-2019,  «Ռոստով» (Ռուսաստան) – 2019-ից մինչ օրս: Ռուսաստանի առաջնության ընթացիկ մրցաշրջանում կիսապաշտպանը մասնակցել է 25 հանդիպման, 4 գոլ և 4 գոլային փոխանցում կատարելով: -0-