ԵՐԵՎԱՆ, 24 փետրվարի. /Նովոստի–Արմենիա/. Նյու Ջերսիի հայկական ընտանիքում ծնված Քեթլին Չուքագյանը մարզական աշխարհում ավելի հայտնի է որպես «շիկահեր մարտիկ»։ 28–ամյա Քեթլինը UFC–ի առաջին հայուհին է։ Այդ մարզական կազմակերպությունը խառն մարտարվեստների մենամարտեր է անցկացնում Ասիայում, Եվրոպայում և Հյուսիսային Ամերիկայում։
2014 թվականից սկսված կարիերայի ընթացքում Չուքագյանն ունի 7 հաղթանակ և միայն մեկ պարտություն, հաղորդում է
haysport.ru–ն։
Նա բազմիցս է հայտնել տարմեր լրատվամիջոցների UFC–ի միջազգային մրցույթներում իր հայկական ծագման մասին։ Ապրիլի 8–ին կկայանա Քեթլինի 9–րդ մենամարտը։ Այս անգամ նրա հակառակորդ Իռեն Ալդանան է UFC 210–ի շրջանակում։ Նույն օրը ռինգ դուրս կգա հայազմի ևս մեկ մարզիկ` Գեղարդ Մուսասին։ Նրա մրցակիցը Քրիս Վեյդմանն է։
Загружается новость ...
"Право"
Չնայած ժամանակի առկայությանը` Քեթլինը չի պատրաստվում կրճատել թափը։ «Ես աշխատում եմ ֆիզիկական ուժ հավաքելու ուղղությամբ և ավելի մեծ թվով սփարինգներ եմ անցկացնում։ Շեշտը դնում եմ ուժեղ կողմերիս բարելավման վրա»,– հայտնել է Չուքագյանը։
Իռեն Ալդանան ամենաթեթև մրցակիցներից չէ։ Եվ այս դեպքում էլ 28–ամյա մարզիկն իրեն չի կորցնում և վերլուծում է իրավիճակը։ «Նա հիանալի մարտիկ է, բայց ես ավելի լավ հարվածներ եմ հասցնում ոտքերով և շահում եմ շարժման մեջ։ Հաղթանակի ավելի մեծ հնարավորություններ ունեմ։ Եթե հաղթեմ, անպայման գլխավերևում կծածանեմ հայկական դրոշը` ի նշան շնորհակալության համայնքի հսկայական օժանդակության համար»։ -0-
