«Յուվենտուս» տեղափոխվելու մասին լուրերն ընդամենը խոսակցություններ են

ԵՐԵՎԱՆ, 22 մարտի. /Նովոստի-Արմենիա/. Հայաստանի հավաքականի և Դորտմունդի «Բորուսիայի» կիսապաշտպան Հենրիխ Մխիթարյանն «ընդամենը խոսակցություններ է» անվանել «Յուվենտուս» տեղափոխվելու մասին լուրերը:

«Դրանք ընդամենը խոսակցություններ են: Հստակ ոչինչ չկա»,- ասաց նա` պատասխանելով «Նովոստի-Արմենիա» գործակալության հարցին Բելառուսի հետ Հայաստանի հավաքականի առաջիկա ընկերական խաղից առաջ բաց մարզումից հետո:

Մխիթարյանը չի բացառում «Յուվենտուս» տեղափոխվելու հավանականությունը>>

Հայաստանի և Բելառուսի հավաքականների միջև ընկերական խաղը կանցկացվի մարտի 25-ին Երևանի Վազգեն Սարգսյանի անվան Հանրապետական մարզադաշտում:
-0-