Հովհաննես Բաչկովը կմասնակցի Դուբայում անցկացվող բռնցքամարտի աշխարհի առաջնությանը
ԵՐԵՎԱՆ, 4 դեկտեմբեր․/Նովոստի-Արմենիա/. Օլիմպիական խաղերի բրոնզե մեդալակիր, Եվրոպայի քառակի չեմպիոն, աշխարհի առաջնությունների քառակի բրոնզե մեդալակիր Հովհաննես Բաչկովը նույնպես կմասնակցի բռնցքամարտի աշխարհի առաջնությանը։
Ինչպես հայտնում է ՀՀ Բռնցքամարտի ֆեդերացիան, IBA-ն հնարավորություն է տվել IBA PRO գոտին նվաճած մարզիկներին նույնպես մասնակցել աշխարհի առաջնությանը։ Այսպիսով, 67 կգ քաշային կարգում կմենամարտեն 2 հայ մարզիկ` Հովհաննես Բաչկովն ու Արմեն Մաշակարյանը։
Դեկտեմբերի 3-ին կայացել է վիճակահանությունը, իսկ մենամարտերը սկսվում են դեկտեմբերի 4-ից։
Աշխարհի առաջնությունում հանդես են գալիս հետևյալ մարզիկները։
-48 կգ Բարեղամ Հարությունյան
-51 կգ Ռուդոլֆ Գարբոյան
-54 կգ Դավիթ Եգորյան
-57 կգ Ժիրայր Սարգսյան
-60 կգ Արթուր Բազեյան
-63,5 կգ Նարեկ Հովհաննիսյան
-67 կգ Արմեն Մաշակարյան
-71 կգ Արարատ Հարությունյան
-75 կգ Վախթանգ Հարությունյան
-80 կգ Արտուշ Հովհաննիսյան
-86 կգ Ռաֆայել Հովհաննիսյան
-92 կգ Նարեկ Մանասյան
-+92 կգ Դավիթ Չալոյան
IBA բռնցքամարտի աշխարհի առաջնությունն անցկացվում է ԱՄԷ-ի Դուբայ քաղաքում դեկտեմբերի 2-13-ը: Մրցաշարի մրցանակային ֆոնդը կազմում է 8 միլիոն դոլար: Առաջին տեղը զբաղեցրած բռնցքամարտիկները կստանան 300 հազար դոլար, երկրորդը` 150 հազար, երրորդը` 75 հազար և չորրորդը` 10 հազար դոլար, որից 50 տոկոսը կլինի բռնցքամարտիկինը, 25-ական տոկոսը մարզիչներինը ու ազգային ֆեդերացիաներինը: Միջազգային օլիմպիական կոմիտեի որոշմամբ Օլիմպիական խաղերի որակավորման մրցաշարերը չի անցկացնում IBA-ն:
