ԵՐԵՎԱՆ, 28 սեպտեմբերի. /Նովոստի–Արմենիա/. Հայաստանի հավաքականի ու «Մանչեսթեր Յունայթեդի» կիսապաշտպան Հենրիխ Մխիթարյանը բաց կթողնի ուկրաինական «Զարյայի» հետ հանդիպումը, գրում է
gazeta.ua–ն։
Այդ մասին է հայտարարել թիմի գլխավոր մարզիչ Ժոզե Մոուրինիուն ակումբի կայքին տված հարցազրույցում: Նա նշել է, որ պատճառը Մխիթարյանի վնասվածքն է:
Խաղը կայանալու է Եվրոպայի լիգայի շրջանակներում սեպտեմբերի 29-ին «Օլդ Թրաֆորդ» մարզադաշտում:
Մխիթարյանը վնասվածք էր ստացել օգոստոսի 31-ին Չեխիայի ընտրանու հետ հանդիպման ընթացքում: Սեպտեմբերի 10-ին նա մասնակցել է մանչեսթերյան դերբիին, ինչի պատճառով վնասվածքն էլ ավելի էր խորացել: -0-
