Հայտնի է Օլիմպիական խաղերում Հայաստանի դրոշակակրի անունը

ԵՐԵՎԱՆ, 21 հուլիսի. /Նովոստի–Արմենիա/. Հայաստանի ազգային օլիմպիական կոմիտեի ղեկավար Գագիկ Ծառուկյանը հայտարարել է 31-րդ ամառային Օլիմպիական խաղերում Հայաստանի դրոշակակրի անունը։

«Օլիմպիադայում Հայաստանի դրոշակակիրը կլինի լողորդ Վահան Մխիթարյանը», – հինգշաբթի լրագրողներին հայտնեց Ծառուկյանն օլիմպիական պատվիրակության հետ հանդիպմանը։



Նա ընդգծեց, որ առաջին անգամ Հայաստանի անկախացումից հետո երկիրը Խաղերում կներկայացնեն ռեկորդային թվով մարզիկներ` 33 աթլետ ութ մարզաձևերում։

«Սա հիանալի արդյունք է։ Ժողովուրդը մեզանից հաղթանակ է սպասում։ Դուք պետք է հաղթեք, նախևառաջ, հանուն մեր երկրի, մեր հայրենիքի»,– ասաց Ծառուկյանը` մարզիկներին օժանդակություն խոստանալով։

Ըստ նրա, հասունացել է պահը բարձրագույն պարգևն Օլիմպիական խաղերում նվաճելու համար։ «Մենք երկար ենք սպասել այս բաղձալի ոսկուն։ Բոլորին հաջողություն, բարի ճանապարհ եմ մաղթում, Աստված ձեզ հետ»,– ասաց Ծառուկյանը։

Ռիոյի 2016 թվականի Օլիմպիական խաղերը 31-րդ ամառային խաղերն են: Խաղերի բացման պաշտոնական արարողությունը կկայանա օգոստոսի 5-ին Ռիոյի լեգենդար «Մարականա» մարզադաշտում: Օգոստոսի 5-ից 21-ը`17 օրերի ընթացքում աշխարհի 205 երկներից մոտ 10,500 մարզիկներ կմրցեն 306 մեդալների հավաքածուների համար: -0-