Հայաստանի Օլիմպիական հավաքականի ըմբիշները մեկնեցին Ռիո դե Ժանեյրո

ԵՐԵՎԱՆ, 12 օգոստոսի. /Նովոստի–Արմենիա/. Հայաստանի ազգային օլիմպիական հավաքականի վերջին խումբն ուղևորվեց օլիմպիական մայրաքաղաք Ռիո դե Ժանեյրո Ucom ընկերության հովանավորությամբ, հայտնում է հաղորդակցային օպերատորի մամուլի ծառայությունը։

31-րդ ամառային Օլիմպիական խաղերին մասնակցող հայ ըմբիշներ Արսեն Ջուլֆալակյանը, Արթուր Ալեքսանյանը, Մաքսիմ Մանուկյանը, Միհրան Հարությունյանը ուղևորվել են Երևան-Դոհա-Ռիո դե Ժանեյրո չվերթով:

Ըմբիշների թիմի գլխավոր մարզիչն է Լևոն Ջուլֆալակյանը, մյուս մարզիչները` Էդուարդ Սահակյանը, նաև՝ Սամվել Գևորգյանը։

Ըմբիշներին ճանապարհելու էին եկել նրանց հարազատները և բարեկամները: -0-