Հայ բռնցքամարտիկներն ապահովել են առնվազն 3 բրոնզե մեդալ Կասպիսկում ընթացող միջազգային մրցաշարում

ԵՐԵՎԱՆ, 19 սեպտեմբերի․/Նովոստի–Արմենիա/․ Հայաստանի բռնցքամարտի մինչև 23 տարեկանների հավաքականը ապահովել է առնվազն 3 բրոնզե մեդալ Կասպիսկում ընթացող Մուհամեդ Ումախանովի անվան միջազգային մրցաշարում, հայտնում է Բռնցքամարտի ֆեդերացիան։

63.5 կգ քաշային կարգում կիսաեզրափակիչ է դուրս եկել Մանվել Պետրոսյանը, 71 կգ-ում Հարություն Հակոբկոխյանը իսկ 75 կգ-ում Մարատ Միքայելյանը։ 

Հայաստանի հավաքականը այս մրցաշարին մասնակցում է բռնցքամարտի Հայաստանի ֆեդերացիայի նախագահ Հովհաննես Հովսեփյանի նախաձեռնությամբ։ 

Հայ բռնցքամարտիկները նախապատրաստվում են նոյեմբերին Երևանում կայանալիք մինչև 23 տարեկանների Եվրոպայի առաջնությանը։