ԵՐԵՎԱՆ, 28 հուլիսի. /Նովոստի–Արմենիա/. Ռուսաստանը և Թուրքիան հարաբերությունների բարելավման շրջանակում ընկերական ֆուտբոլային հանդիպում կանցկացնեն, գրում է
championat.com–ը` հղում անելով Milliyet–ին։
Հավաքականների միջև հանդիպումը կկայանա օգոստոսի 31–ին Անթալիայում։
Թուրքիայի նախագահ Ռեջեփ Թայիփ Էրդողանն օգոստոսի 9–ին կմեկնի Ռուսաստան, որտեղ կհանդիպի ՌԴ նախագահ Վլադիմիր Պուտինի հետ և անձամբ կհրավիրի նրան ֆուտբոլային հանդիպման։
Երկու երկրների միջև հարաբերությունները սրվեցին 2015 թվականի նոյեմբերին, երբ թուրքական F-16 մարտական օդանավը խոցեց ռուսական Су-24–ը։ Թուրքիայի գործողությունները կտրուկ արձագանք առաջացրին Ռուսաստանում։
Սակայն ոչ վաղ անցյալում Թուրքիայի իշխանությունները պաշտոնապես ներողություն խնդրեցին ՌԴ–ից և նախաձեռնեցին ռուս օդաչուի սպանության քննություն։
ՌՖՊԼ նախագահ Սերգեյ Պրյադկինն այսօր հայտնել է, որ Ռուսաստանի հավաքականն ընկերական խաղեր կանցկացնի օգոստոսի 31–ին և սեպտեմբերի 6–ին։ Այդ հանդիպումներից մեկը հաստատ կկայանա Ռուսաստանում։ -0-
