Գարիկ Կարապետյանը դարձավ ծանրամարտի Աշխարհի առաջնության պոկում վարժության բրոնզե մեդալակիր (ՎԻԴԵՈ)

ԵՐԵՎԱՆ, 11 հոկտեմբեր․/Նովոստի-Արմենիա/. Գարիկ Կարապետյանը դարձավ աշխարհի առաջնության պոկում վարժության բրոնզե մեդալակիր է։ Այս մասին հայտնել է ՀՀ Ծանրամարտի ֆեդերացիան։

Նորվեգական Ֆյորդե քաղաքում ընթացող աշխարհի առաջնության 110 կգ քաշային կարգում Հայաստանի հավաքականի անդամ Գարիկ Կարապետյանը պոկում վարժությունում բարձրացրեց 187 կգ: Այս վարժությունում մեր ծանրորդը դարձավ բրոնզե մեդալակիր:

Հրում վարժությունում Կարապետյանը բարձրացրեց 220 կգ: Երկամարտի 407 կգ արդյունքով` Գարիկ Կարապետյանն աշխարհի առաջնությունում 4-րդն է:

Հայաստանի ընտրանու անդամ Սիմոն Մարտիրոսյանը պոկում վարժությունում անհաջող մասնակցեց: Նա չբարձրացրեց 185 կգ ու 187 կգ:

Մարտիրոսյանը չմասնակցեց հրում վարժությանը:

Ուզբեկստանի ներկայացուցիչ Աքբար Ջուրաևը երկամարտի արդյունքում ունեցավ 428 կգ (196+232) արդյունք, համաշխարհային ռեկորդներ սահմանեց ընդհանուր և պոկում վարժությունում։

Նշենք, որ Նորվեգիայի Ֆյորդե քաղաքում ընթանում է ծանրամարտի Աշխարհի առաջնությունը։