FIGHT NIGHTS-ից հեռացված մարտիկ Վարդան Ասատրյանը վերսկսել է կազմակերպության հետ պայմանագիրը

ԵՐԵՎԱՆ, 19 ապրիլի.  /Նովոստի-Արմենիա/. 23-ամյա հայ մարտիկ Վարդան Ասատրյանը և Ռուսաստանի Fight Nights Global մարտարվեստների խոշորագույն կազմակերպությունը սկբունքային համաձայնության են եկել համագործակցությունը շարունակելու հարցում: Այդ մասին գրել է անձամբ մարտիկը` Facebook-ի իր էջում:

2017 թ.-ի փետրվարի վերջին Կրասնոդարցի մարզիկը հեռացվել է կազմակերպությունից` էթիկական նորմերի խախտման՝ քաղաքական բովանդակության խորհրդանիշներով մարզահագուստ կրելու համար:

Մարտիկ Ասատրյանին հեռացրել են Fight Nights-ից Արցախի դրոշի համար>>

Ինչպես նշվում է Ասատրյանի էջում հրապարակված հաղորդագրության մեջ, ստեղծված իրավիճակի հետ կապված, ընկերության ղեկավարությունը որոշել է ստեղծել կանոնակարգ` promotion-ում հանդես եկող մարտիկների համար սպորտային մարզահագուստի և դրոշների կիրառման հարցում, որոնցով մարզիկները դուրս են գալիս մենամարտելու, ինչպես նաև նախապատրաստման և ելույթների ժամանակ բարոյաէթիկական վարքի վերաբերյալ:

«Առաջիկա մրցաշարից սկսած (ապրիլի 21, FIGHT NIGHTS GLOBAL 63, Վլադիվոստոկ)` ցանկացած մարզիկ, ով կխախտի այդ կանոնակարգը, կենթարկվի զգալի պատժամիջոցների` ընդհուպ մինչև FIGHT NIGHTS GLOBAL կազմակերպությունում ելույթներից հեռացման», - նշվում է հաղորդագրության մեջ:

«Սպորտը պետք է քաղաքականությունից դուրս լինի», - ավելացրել է Ասատրյանը: -0-