Իզաբելա Յայլյանը դարձել է Եվրոպայի (Մ20) ծանրամարտի առաջնության չեմպիոն

ԵՐԵՎԱՆ, 7 հոկտեմբերի. /Նովոստի-Արմենիա/. Լիտվայի Կլայպեդա քաղաքում շարունակվում է ծանրամարտի երիտասարդների (Մ20) և մինչև 23 տարեկանների Եվրոպայի առաջնությունը, հաղորդում է ՀՀ սպորտի և երիտասարդության հարցերի նախարարությունը։

Մինչև 20 տարեկան աղջիկների 58 կգ քաշային կարգում չեմպիոն է դարձել Հայաստանը ներկայացնող Իզաբելա Յայլյանը: Հայ մարզուհին երկամարտի 194 կգ (88+106) արդյունքով ոսկե մեդալ է նվաճել՝ իր հիմնական մրցակցին` Ուկրաինաին ներկայացնող Վերոնիկա Իվասյուկին գերազանցելով մեկ կիլոգրամով. 193 կգ (89+104): Բրոնզե մեդալը նվաճել է Ռուսաստանը ներկայացնող Իրինա Բայմուլկինան՝ 186կգ (85+101):