«Չելսին» պատրաստ է Մխիթարյանի համար 60 մլն եվրո վճարել

ԵՐԵՎԱՆ, 25 ապրիլի. /Նովոստի–Արմենիա/. Լոնդոնի «Չելսին» պատրաստ է մեծ գումարներ վճարել Հայաստանի հավաքականի և Դորտմունդի «Բորուսիայի» կիսապաշտպան Հենրիխ Մխիթարյանին ձեռք բերելու համար։

Ինչպես հաղորդում է գերմանական bild.de կայքը, առաջիկայում Ռոման Աբրամովիչը կփորձի 60 մլն եվրոյով ձեռք բերել Հենրիխ Մխիթարյանին։

Ինքը` կիսապաշտպանը, նշել է, որ Լոնդոնի ակումբի այդ առաջարկի մասին իրեն ոչինչ հայտնի չէ։

Հայ ֆուտբոլիստի ծառայություններով հետաքրքրված են նաև Թուրինի «Յուվենտուսը» և
Լոնդոնի «Արսենալը», իսկ «Բորուսիայում» հայտնել են, որ ամեն գնով պահելու են կիսապաշտպանին։

Մխիթարյանի պայմանագիրը «Բորուսիայի» հետ լրանում է 2017 թվականի ամռանը։ -0-