Բրիտանական պարբերականն Անգլիայի ֆուտբոլի հավաքականի մարզչին մեղադրել է կաշառակերության մեջ

27.09.2016, 14:45
The Telegraph պարբերականը 10-ամսյա հետախուզությունից հետո մեղադրել է Անգլիայի ֆուտբոլի հավաքականի գլխավոր մարզրիչ Սեմ Էլարդայսին կաշառակերության մեջ:
Բրիտանական պարբերականն Անգլիայի ֆուտբոլի հավաքականի մարզչին մեղադրել է կաշառակերության մեջ
ԵՐԵՎԱՆ, 27 սեպտեմբերի. /Նովոստի-Արմենիա/. The Telegraph պարբերականը 10-ամսյա հետախուզությունից հետո մեղադրել է Անգլիայի ֆուտբոլի հավաքականի գլխավոր մարզրիչ Սեմ Էլարդայսին կաշառակերության մեջ: Հետազոտությունն ուղղված էր Անգլիայի ֆուտբոլում կաշառակերության և կոռուպցիայի առկայությունն ապացուցելուն:

Ինչպես հաղորդում է ՏԱՍՍ-ը, պարբերականի լրագրողները, ներկայանալով որպես ասիացի գործարարներ, Էլարդայսի հետ բանակցություններ են վարել:Մարզիչը, օգտագործելով իր դիրքը և կապերը, համաձայնել է օգնել «գործարարներին» շահույթ ստանալ անգլիական ակումբների տրանսֆերային գործքարքներից: Մասնագետն իր հերթին խնդրել է 400 հազար ֆունտ` ասիական ընկերությանն օգնելու համար: Նա նաև նշել է, թե ինչպես կարելի է շրջանցել Անգլիայի ֆուտբոլային ասոցիացիայի` տրանսֆերային խաղացողներին վերաբերող կանոնները, որոնք արգելում են կողմնակի անձանց իրավունքներ ունենալ ֆուտբոլիստների նկատմամբ։

The Telegraph-ի աշխատակիցներն Անգլիայի ֆուտբոլային ասոցիացիային ուղղված նամակում մանրամասն ներկայացրել են հետախուզության հանգամանքները: Վերջինիս ներկայացուցիչը խնդրել է լիարժեք հաշվետվություն ներկայացնել և տվյալ հարցի շուրջ բանակցությունների տպագիր տարբերակը: Sky Sports հեռուսաընկերությունը հայտնել է, որ Անգլիայի ֆուտբոլային ասոցիացիան այդ հոդվածից հետո արդեն հետաքննություն է սկսել մարզիչի հանդեպ:

Նյութում նաև նշվում է, որ Էլարդայսը քննադատել է անգլիացիների նախկին մարզիչ Ռոյ Հոջսոնին` ավելացնելով, որ ֆուտբոլիստները վատ են ելույթ ունենում «հոգեբանական պատնեշի պատճառով, որը չեն կարողացել հաղթահարել»: Բացի այդ, նա հիմարություն է անվանել Անգլիայի ֆուտբոլային ասոցիացիայի` «Ուեմբլի» մարզադաշտը քանդելու որոշումը: Էլարդայսի հանդիպումները «Գործարարների» հետ տեղի են ունեցել Սինգապուրում և Հոնկոնգում` մինչ Էլարդայսի` Անգլիայի հավաքականի գլխավոր մարզիչ դառնալը:

Նախորդ գլխավոր մարզիչ Հոջսոնը հայտարարել է իր հրաժարականի մասին Եվրոպայի առաջնության 1/8 եզրափակչի հանդիպումից հետո կայացած մամուլի ասուլիսի ժամանակ, որում Անգլիայի հավաքականը զիջեց առաջնության նորեկ Իսլանդիայի թիմին (1:2): Էլարդայսը ղեկավարեց «Սանդերլենդը» 2015 թ.-ի հոկտեմբերին` պայմանագիր կնքելով երկու մրցաշրջանի համար: Անգլիայի առաջնության նախորդ մրցաշրջանի արդյունքներով, ակումբը զբաղեցրել է 17-րդ տեղը և պահպանել տեղը պրեմիեր-լիգայում: Մինչ «Սանդերլենդը», անգլիացի մասնագետը աշխատել է այնպիսի տեղական ակումբների հետ, ինչիպիսիք են «Վեստ Հեմը», «Բելքբերնը», «Նյուքասլը» և «Բոլտոնը»: -0-