Արթուր Ալեքսանյանը վնասվածքի պատճառով չի մասնակցի աշխարհի առաջնության եզրափակչին

ԵՐԵՎԱՆ, 16 սեպտեմբերի./Նովոստի–Արմենիա/. Հունահռոմեական ոճի ըմբիշ, օլիմպիական խաղերի ոսկե մեդալակիր, աշխարհի եռակի ու Եվրոպայի քառակի չեմպիոն Արթուր Ալեքսանյանը (97 կգ) վնասվածք է ստացել։

Ինչպես հայտնում է ՀԱՕԿ լրատվական բաժինը, Սպիտակ Արջը վնասվածքի պատճառով չի մասնակցի Ղազախստանում անցկացվող հունահռոմեական ոճի ըմբշամարտի աշխարհի առաջնության եզրափակիչին, որտեղ պետք է մրցեր ռուս Մուսա Եվլոևի հետ:


Սեպտեմբերի 16-ին գյումրեցի ըմբիշը 1/8 եզրափակիչում ստացել էր կողոսկրի կոտրվածք, որի հետևանքով չի կարող պայքարել աշխարհի չեմպիոնի կոչման համար:

Հաղորդվում է, որ Արթուր Ալեքսանյանը նախօրեին պայքարը սկսել էր որակավորման փուլից եւ հաղթել էր բելառուս Ալեքսանդր Հրաբովիկին (5:0), ֆինն Մատի Էլիասին (10:0), թուրք Չենկ Իլդեմին (4:2), իրանցի Աբդուլա Սարավիին (4:3) ու վրացի Գիորգի Մելիային (3:1): -0-