Արոնյանը հաղթեց Նակամուրային հավակնորդների մրցաշարում` դառնալով մրցաշարի առաջատար

ԵՐԵՎԱՆ, 17 մարտի. /Նովոստի–Արմենիա/. Արոնյան–Նակամուրա հանդիպումը Մոսկվայում անցկացվող Շախմատի հավակնորդների մրցաշարի վեցերորդ տուրում ավարտվեց հայ գրոսմայստերի հաղթանակով:

Հնդիկ Վիշվանաթան Անանդը հաղթանակ տարավ Պետեր Սվիդլերի նկատմամբ, իսկ Սերգեյ Կարյակին – Ֆաբիանո Կարուանա և Վեսելին Տոպալով – Անիշ Գիրի հանդիպումներն ավարտվեցին խաղաղ արդյունքով:

Վեց տուրերից հետո Արոնյանը չորս միավորով կիսում է առաջին տեղը Կարյակինի հետ: Կես միավորով պակաս է հավաքել հնդիկ Վիշվանաթան Անանդը: Ամերիկացի Ֆաբիանո Կարուանան և հոլանդացի Անիշ Գիրին ունեն երեքական միավոր: Ռուս Պետեր Սվիդլերը 2.5 միավորով վեցերորդ հորիզոնականում է: Մրցաշարային աղյուսակը եզրափակում են երկուական միավոր հավաքած Խիկարու Նակամուրան և Վեսելին Տոպալովը:

Հավակնորդների մրցաշարը բաղկացած է 14 տուրից և կեզրափակվի մարտի 29-ին: Մրցաշարի հաղթողը իրավունք կստանա պայքարելու աշխարհի չեմպիոնի Մագնուս Կարլսենի հետ նոյեմբերին Նյու Յորքում կայանալիք աշխարհի չեմպիոնի տիտղոսի համար մրցախաղին: –0–