Առաջին ալիքը որոշեց ցուցադրել Չեխիա–Հայաստան ընկերական հանդիպումն ուղիղ եթերով

ԵՐԵՎԱՆ, 31 օգոստոսի. /Նովոստի–Արմենիա/. Հայ ֆուտբոլասերները, այնուամենայնիվ, կկարողանան դիտել Հայաստանի և Չեխիայի ֆուտբոլի հավաքականների ընկերական խաղը։

«Նովոստի–Արմենիա» գործակալությանը հայտնի է դարձել Առաջին ալիքի` խաղը հեռարձակելու մասին որոշումը։ Հեռարձակումը կսկսվի օգոստոսի 31–ին ժամը 21։15–ին։

«Հանրային հեռուստաընկերությունը, կարևորելով ֆուտբոլի Հայաստանի ազգային հավաքականի հանդիպումների հեռարձակումը, այսօր կցուցադրի Մլադա Բոլեսլավ քաղաքում կայանալիք Չեխիա – Հայաստան ֆուտբոլային ընկերական հանդիպումը»,– ասվում է Հանրային հեռուստատեսության Facebook–ի պաշտոնական էջում։

Ավելի վաղ տեղեկություն էր տարածվել, որ հանրային հեռուստատեսությունը հրաժարվում է ցուցադրել խաղն այն պատճառով, որ չեխալան կողմը վերահեռարձակման համար չափազանց մեծ գումար է պահանջել։

Չեխիա - Հայաստան հանդիպումը չի ցուցադրվի հայկական հեռուստաեթերով>>

Խաղը կկայանա Մլադա Բոլեսլավ քաղաքի մարզադաշտում։ -0-