Ադրբեջանցի պարալիմպիկ չեմպիոնուհին ցմահ հեռացվել է մրցումներից․ նա ձևացրել է, թե թույլ տեսողություն ունի (ՖՈՏՈ)
14.05.2025,
16:03
Պարզվել է, որ թույլ տեսողությամբ պարալիմպիկ չեմպիոնուհի, ադրբեջանցի ձյուդոիստուհի Շահանա Հաջիևան լիարժեք տեսողություն ունի
ԵՐԵՎԱՆ, 14 մայիսի․/Նովոստի–Արմենիա/․ Պարզվել է, որ թույլ տեսողությամբ պարալիմպիկ չեմպիոնուհի, ադրբեջանցի ձյուդոիստուհի Շահանա Հաջիևան լիարժեք տեսողություն ունի և ստացել է ցմահ արգելք, գրում է Championat.com-ը։
Հաջիևան Տոկիո-2020 Պարալիմպիկ խաղերի չեմպիոն է, Եվրոպայի չեմպիոն, աշխարհի առաջնության արծաթե և կրկնակի բրոնզե մեդալակիր։
Նա չի անցել բժշկական ստուգում Պարաձյուդոյի աշխարհի առաջնությունից առաջ և ցմահ հեռացվել է պարալիմպիկ մրցումներից։ Նշվել է, որ 24-ամյա մարզուհին ունի լիարժեք տեսողություն։
Նման «հրաշք» է տեղի ունեցել նաև մեկ այլ ադրբեջանցի ձյուդոիստուհու՝ Էլնարա Նիզամլիի հետ, ով համարվել է ամբողջովին կույր։
Պատճենել հղումը
