ԵՐԵՎԱՆ, 24 դեկտեմբերի. /Նովոստի–Արմենիա/.Հայաստանի ազգային օլիմպիական կոմիտեի (ՀԱՕԿ) գլխավոր քարտուղար Հրաչյա Ռոստոմյանը համամիտ է այն մոտեցմանը, որ Հայաստանի ֆուտբոլի ազգային հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը և հայտնի գրոսմայստեր Լևոն Արոնյանը չեն ընդգրկվել «Հայաստանի 2015 թվականի լավագույն մարզիկների» ցանկում:
Արթուր Ալեքսանյանը տարվա լավագույն մարզիկ է ճանաչվել Հայաստանում>>
«Ես համամիտ եմ լավագույն տասնյակի հետ: Հենրիխ Մխիթարյանը և Լևոն Արոնյանն, իհարկե, մեծ մարզիկներ են և բարձր են պահում մեր երկրի հեղինակությունը, սակայն լավագույն տասնյակը ձևավորվում է տարվա սպորտային նվաճումների արդյունքներուվ, և որևէ մեկը չի կարող հակառակն ապացուցել` ֆուտբոլի մեր հավաքականն այս տարի չի կարողացել հասնել որևէ ֆանտաստիկ հաջողությունների»,-ասաց Ռոստոմյանը հինգշաբթի մամուլի ասուլիսին:
Նրա խոսքով, Մխիթարյանն, իհարկե, շատ լավ է խաղում Դորտմունդի «Բորուսիայում» և բարձր է պահում այդ ակումբի պատիվը, որի համար «փառք ու պատիվ» իրեն: «Եթե մրցանակն այլ լիներ, ասենք` հանդիսատեսի համակարանք կամ Հայաստանում ճանաչվածության մրցանակ, ապա ես` ինքս կքվեարկեի նրա օգտին»,-նշեց Ռոստոմյանը»:
Հենրիխ Մխիթարյանը Հայաստանի 2015 թվականի լավագույն ֆուտբոլիստն է>>
ՀԱՕԿ գլխավոր քարտուղարն ավելացրեց, որ պետք է ամեն տարի չափազանցնել այս հարցը, քանի որ պատասխանն առավել քան ակնհայտ է. ՀԱՕԿ-ն ամփոփում է տարվա արդյունքները:
Հայտնի երկու մարզիկները` Մխիթարյանն ու Արոնյանն ընդգրկվել էին 14 հոգանոց երկար «2015 թվականի լավագույն մարզիկ» ցանկում: 10 լավագույն մարզիկների շարքում Մխիթարյանի չընդգրկվելը մեծ արձագանք է ստացել և արժանացել սպորտասերների քննադատությանը:
Քվեարկությունն ավանդավար անցկացրել է Հայաստանի սպորտային լրագրողների ֆեդերացիան:–0--
