ԵՐԵՎԱՆ , 25 ապրիլի./Նովոստի–Արմենիա/. Ապրիլի 25-ին Երևանում մեկնարկում է Բռնցքամարտի Եվրոպայի երիտասարդական առաջնությունը, որը կտևի մինչև մայիսի 3-ը։
Գլխավոր մարզիչ Վազգեն Բադալյանի ղեկավարությամբ Հայաստանի հավաքականի կազմում ընդգրկված են 13 մարզիկներ տարբեր քաշային կարգերում՝ Հովհաննես Հարությունյան, Դավիթ Սաֆարյան, Էրիկ Առուստամյան, Գոռ Ազիզյան, Ոսկան Ոսկանյան, Արթուր Մկրտչյան, Յուրա Բաբլումյան, Արման Միսկարյան, Արմեն Պողոսյան, Աղվան Ալեքսանյան, Դավիթ Սիմոնյան, Իշխան Հովսեփյան և Ալբերտ Հարությունյան։ Նրանք ներկայացնում են ոչ միայն Երևանը, այլև Արցախը, Լոռու և Շիրակի մարզերը։
Ընդհանուր առմամբ առաջնությանը կմասնակցեն շուրջ 500 մարզիկներ ավելի քան 30 երկրներից։ Բոլոր մենամարտերը կկայանան «Միկա» մարզահամալիրում, սեսիաների սկիզբը ժամը 13:00-ին և 17։00-ին է, մուտքն ազատ է։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում