Օլիմպիական չեմպիոն Արթուր Ալեքսանյանը դուրս է եկել Ըմբշամարտի աշխարհի առաջնության եզրափակիչ (ՎԻԴԵՈ)

ԵՐԵՎԱՆ, 12 սեպտեմբերի./Նովոստի-Արմենիա/. Բելգրադում ընթացող ըմբշամարտի Աշխարհի առաջնությունում Օլիմպիական չեմպիոն, Աշխարհի և Եվրոպայի բազմակի չեմպիոն, 97 կգ քաշային Արթուր Ալեքսանյանը դուրս է եկել եզրափակիչ, որտեղ կպայքարի աշխարհի առաջնություններում իր 4-րդ ոսկե մեդալի համար, հաղորդում է armsport-ը։

Կիսաեզրափակչում հայ ըմբիշը գոտեմարտել է իրանցի Աբդոլահ Սարավիի հետ և 3-1 հաշվով տպավորիչ հաղթանակ տարել։

Հիշեցնենք, որ քառորդ եզրափակչում Ալեքսանյանն 9-0 հաշվով հաղթել էր ղըրղզ մրցակցին, իսկ 1/8 եզրափակչում առավելության էր հասել աշխարհի կրկնակի չեմպիոն, թուրք Մետեհան Բաշարի նկատմամբ։ Արթուրի առաջին մրցակիցը հրաժարվել էր գոտեմարտել։-0-