Մարկոս Պիզելլին ավարտում է ֆուտբոլիստի կարիերան. նա հրաժարվել է վիրահատությունից (ՎԻԴԵՈ)

ԵՐԵՎԱՆ, 11 հունվարի./Նովոստի–Արմենիա/. «Արարատ-Արմենիա» ֆուտբոլային ակումբի ֆուտբոլիստ Մարկոս Պիզելլին ավարտում է ֆուտբոլիստի կարիերան:

Այս մասին նշվում է «Արարատ-Արմենիա» ֆուտբոլային ակումբի Facebook-յան էջում։

«Բրազիլիայում անհատական պարապմունքների ժամանակ ստացած վնասվածքի պատճառով Մարկոսը հավելյալ բուժզննում անցավ Հայաստանում և պարզ դարձավ, որ ֆուտբոլիստին անհրաժեշտ է վիրահատություն, որից նա հրաժարվեց և որոշեց ավարտել իր կարիերան: Շնորհակալություն ենք հայտնում Մարկոսին և մաղթում հաջողություններ», – նշվում է հաղորդագրության մեջ:

Մարկոս Պիզելլին 2008 թ.–ից հանդես է գալիս Հայաստանի հավաքականում, որի կազմում անցկացրել է 66 հանդիպում և դարձել 11 գոլի հեղինակ: