Լևոն Արոնյանը դարձել է օրվա հերոս Ազգերի գավաթի առցանց մրցաշարում (ՖՈՏՈ)

ԵՐԵՎԱՆ, 7 մայիսի./Նովոստի–Արմենիա/. FIDE–ն հայ գրոսմայստեր Լևոն Արոնյանին անվանել է օրվա հերոս Ազգերի գավաթի առցանց մրցաշարում։ Նա հանդես է գալիս Եվրոպայի թիմում` Գարի Կասպարովի ղեկավարությամբ։

Ինչպես նշվում է FIDE–ի Facebook–յան էջում, երկրորդ օրն Արոնյանը տարել է երկու հաղթանակ` իր թիմին բարձրացնելով երրորդ տեղ ընդհանուր հաշվարկում (5 միավոր)։ Նախօրեին կայացած երրորդ տուրում նա պարտության է մատնել Վիդիտ Սանտոշ Գուջարատին (Հնդկաստան), իսկ չորրորդում` Դոմինգես Պերես Լինիերին (ԱՄՆ)։

Ընդհանուր հաշվարկում չորս տուրերից հետո առաջատարը Չինաստանի հավաքականն է` 7 միավորով, երկու միավոր պակաս վաստակել է ԱՄՆ–ի թիմը։

Ռուսաստանը 4 միավորով 4–րդ հորիզոնականում է, նրան է հետևում «Մնացած աշխարհ» թիմը` 2 միավորով, Հնդկաստանի հավաքականը վաստակել է 1 միավոր։



Արոնյանից բացի, Եվրոպայի հավաքականում են հանդես գալիս Մաքսիմ Վաշիե–Լագրավը (Ֆրանսիա), Անիշ Գիրին (Նիդերլանդներ) և Աննա Մուզիչուկը (Ուկրաինա)։ Պահեստային խաղացողներն են Յան–Քշիշտոֆ Դուդան (Լեհաստան) և Նանա Ձագնիձեն (Վրաստան)։



Ազգերի գավաթի թիմային առցանց մրցաշարը կազմակերպվել է FIDE–ի և Chess.com առաջատար պորտալի կողմից, այն անցկացվում է մայիսի 5–10–ը, ընդհանուր մրցանակային ֆոնդը 180 հազար դոլար է։

Հանդիպումները հեռարձակվում են FIDE–ի և Chess.com–ի YouTube–ում և Twitch–ում, ինչպես նաև Матч-ТВ–ով։ Հանդիպումները մեկնաբանվում են 10 լեզուներով։–0–