Լևոն Արոնյանն այսօրվանից հանդես է գալու ԱՄՆ դրոշի ներքո

ԵՐԵՎԱՆ, 1 դեկտեմբերի./Նովոստի–Արմենիա/. Համաշխարհային Օլիմպիադայի եռակի չեմպիոն, կրկնակի աշխարհի գավաթակիր, գրոսմայստեր Լևոն Արոնյանը դեկտեմբ 1-ից հանդես կգա ԱՄՆ դրոշի ներքո, հաղորդում է armsport–ը:

ՖԻԴԵ-ի կայքում Արոնյանի տվյալներն արդեն փոխվել են. նա ներկայացնում է ԱՄՆ շախմատային ֆեդերացիան:

Հիշեցնենք՝ Արոնյանը ՖԻԴԵ-ի վարկանիշային աղուսակի 6-րդ հորիզոնականն է զբաղեցնում՝ 2772 միավորով:

Այս տարվա փետրվարին Արոնյանը հայտարարեց, որ որոշել է հանդես գալ ԱՄՆ դրոշի ներքո` բացատրելով իր կայացրած որոշման պատճառները։–0–