Ժամանակն է հրաժեշտ տալ. Զլատան Իբրահիմովիչը հայտարարեց կարիերան ավարտելու մասին (ՖՈՏՈ, ՎԻԴԵՈ)

ԵՐԵՎԱՆ, 5 հունիսի./Նովոստի–Արմենիա/. «Միլանի» 41-ամյա հարձակվող Զլատան Իբրահիմովիչը հայտարարել է կարիերան ավարտելու մասին:

Իր որոշման մասին Իբրահիմովիչը հայտնել է Իտալիայի առաջնության 38-րդ տուրի «Միլան» - «Վերոնա» (3:1) հանդիպման ավարտից հետո, հայտնում է Ինտերֆաքսը՝ հղում անելով իտալական ԶԼՄ-ներին։

«Շնորհակալ եմ ընտանիքիս համբերության համար: Շնորհակալ եմ իմ երկրորդ ընտանիքին՝ խաղացողներին, մարզչին, անձնակազմին, ղեկավարներին: Ի վերջո, սրտանց ուզում եմ շնորհակալություն հայտնել ձեզ՝ երկրպագուներին: Ժամանակն է հրաժեշտ տալ ֆուտբոլին, բայց ոչ ձեզ»,- ասել է ֆուտբոլիստը խաղից հետո տեղի ունեցած արարողության ժամանակ։

Իբրահիմովիչը հանդես է եկել «Այաքսում», «Յուվենտուսում», «ՊՍԺ»-ում, «Ինտերում», «Բարսելոնայում», «Լոս Անջելես Գելեքսիում» և «Մանչեսթեր Յունայթեդում»:

Շվեդ հարձակվողը հինգ անգամ դարձել է Իտալիայի չեմպիոն (երկու անգամ «Միլանի» և երեք անգամ՝ «Ինտերի» կազմում), չորս անգամ դարձել է Ֆրանսիայի, երկու անգամ՝ Հոլանդիայի և մեկ անգամ՝ Իսպանիայի չեմպիոն։–0–