Հայտնի է, թե որքան է «Այաքսը» պատրաստ վճարել Էդուարդ Սպերցյանի համար

ԵՐԵՎԱՆ, 24 հուլիսի./Նովոստի–Արմենիա/. «Այաքս» ֆուտբոլային ակումբը պաշտոնական առաջարկ է արել «Կրասնոդրին» հայ կիսապաշտպան Էդուարդ Սպերցյանին գնելու համար։ Այս մասին շաբաթ օրն իր Twitter–ում հայտնել է լրագրող Ֆաբրիցիո Ռոմանոն, հաղորդում է ՏԱՍՍ–ը։

Նշվում է, որ «Այաքսը» պատրաստ է վճարել 8,5մլն եվրո, ինչպես նաև գործարքում ներառել 2մլն եվրոյի բոնուս։ Միաժամանակ, աղբյուրի հաղորդմամբ, «Կրասնոդարն» ապագայում կկարողանա ստանալ 10% ֆուտբոլիստի հաջորդ վաճառքից։ Լրագրողը նշել է, որ ռուսական ակումբը դեռևս չի պատասխանել առաջարկին։

Սպերցյանը 23 տարեկան է, նա «Կրասնոդարի» սան է։ Ֆուտբոլիստը հիմնական թիմի կազմում հանդես է գալիս 2018թ.–ից, նրա կազմում կիսապաշտպանն անցկացրել է 75 հանդիպում տարբեր մրցաշարերում` դառնալով 22 գոլի և 18 գոլային փոխանցման հեղինակ։ Ռուսաստանի առաջնության նախորդ սեզոնում Սպերցյանը համարվել է լիգայի լավագույն ասիստենտը` դառնալով 11 արդյունավետ փոխանցման հեղինակ։–0–