ԵՐԵՎԱՆ, 4 նոյեմբերի./Նովոստի–Արմենիա/. Երևանի «Փյունիկի» 21–ամյա կիսապաշտպան Էրիկ Վարդանյանը կշարունակի կարիերան «Սոչի» ակումբում, հաղորդում է Sport24 հրատարակությունը։
Աղբյուրի հաղորդմամբ, «Փյունիկից» «Սոչի» տեղափոխվելիս Վարդանյանի շահերը ներկայացրել է հայտնի ֆուտբոլային գործակալ Դմիտրի Սելյուկը։
Նրա խոսքով, այսօրվա դրությամբ Վարդանյանը հայաստանցի ամենատաղանդավոր երիտասարդ ֆուտբոլիստն է։
Загружается новость ... "Лево"
«Ես արդեն աշխատանքի փորձ ունեցել եմ երկու հայ խաղացողների` Հենրիխ Մխիթարյանի և Արազ Օզբիլիսի հետ։ Հիմա զբաղվում եմ Էրիկի գործով, որը Հայաստանի հավաքականի ֆուտբոլիստ է և հանդես է գալիս որպես գրոհող կիսապաշտպան», – ասել է Սելյուկը։
Էրիկի ծառայություններով հետաքրքրվել են նաև «Լոկոմոտիվում», ինչի մասին խոսել են, մասնավորապես, մոսկովյան ակումբի գլխավոր տնօրեն Վասիլի Կիկնաձեն և «Փյունիկը» մարզող Ալեքսանդր Տարխանովը։ Առաջարկներ են ստացվել նաև Չեխիայից։ Սակայն լավագույն առաջարկն արել է «Սոչի» ակումբը, որը հստակ էր իր ցանկություններում։
«Ասեմ միանգամից, որ «Սոչին» ձեռք է բերել Էրիկին շատ ավելի փոքր գումարով, քան այն, որը ներկայացրել էր «Լոկոմոտիվը»», – ավելացրել է Սելյուկը։
Նա հիշեցրել է, որ Էրիկը 11–ից մինչև 16 տարեկան մարզվել է «Բարսելոնա» ակումբի ակադեմիայում, և, իհարկե, շատ լավ կարողանում է ֆուտբոլ խաղալ։–0–
