ԵՐԵՎԱՆ, 16 սեպտեմբերի./Նովոստի–Արմենիա/. Իտալական «Ռոման» Ա Սերիայի 3-րդ տուրում սեփական հարկի տակ ընդունեց «Սասուոլոյին» և 4:2 հաշվով հաղթանակ տարավ:
Հայաստանի հավաքականի ավագ Հենրիխ Մխիթարյանն անցկացրեց իր նորամուտի խաղը տնային մարզադաշտում:
Հանդիպման հաշիվը բացվեց արդեն 12-րդ րոպեին: Աչքի ընկավ հռոմեացիների կիսապաշտպան Քրիստիանտեն, հաղորդում է armsport–ը:
8 րոպե անց հաշիվը կրկնապատկեց Բոսնիա և Հերցեգովինայի հավաքականի հարձակվող Էդին Ջեկոն:
22-րդ րոպեին Հենրիխ Մխիթարյանը՝ ստանալով գնդակը, ձախ ոտքի շեշտակի հարվածով գրավեց մրցակցի դարպասը և բացեց իր գոլերի թիվն Իտալիայի առաջնությունում:
10 րոպե անց «Ռոմայի» չորրորդ գոլը խփեց Կլյուվերտը: Հատկանշական են Պելեգրինիի 3 գոլային փոխանցումները:
Երկրորդ խաղակեսում աչքի ընկան միայն հյուրերը: 53-րդ րոպեին Բերարդին տուգանայինից ֆանտաստիկ հարվածով կրճատեց հաշվի տարբերությունը, իսկ 19 րոպե անց դարձավ դուբլի հեղինակ:
Այս հաղթանակից հետո «Ռոման» վաստակեց 5 միավոր և բարձրացավ 7-րդ հորիզոնական:–0–