Բռնցքամարտիկ Հովհաննես Բաչկովը 5։0 հաշվով հաղթեց Կոլումբիայի ներկայացուցչին և դուրս եկավ կիսաեզրափակիչ` ապահովելով առնվազն բրոնզե մեդալ

ԵՐԵՎԱՆ, 10 մայիսի./Նովոստի–Արմենիա/. Տոկիոյի Օլիմպիական խաղերի բրոնզե մեդալակիր, Եվրոպայի եռակի չեմպիոն, աշխարհի առաջնության եռակի բրոնզե մեդալակիր Հովհաննես Բաչկովը Տաքշենդում ընթացող աշխարհի առաջնության ¼ եզրափակչում ուժերը չափել է Կոլումբիայի ներկայացուցիչ Խոսե Մանուել Վիաֆարայի հետ և երեք ռաունդներում ունենալով բացահայտ առավելություն՝ հաղթել 5:0 հաշվով, հաղորդում է armsport–ը:

Բաչկովը դուրս է եկել կիսաեզրափակիչ՝ ապահովելով առնվազն բրոնզե մեդալ:

Հովհաննես Բաչկովն ԱԱ-ի 1/8 եզրափակչում ավելի վաղ 5:0 հաշվով առավելության էր Թուրքիայի ներկայացուցիչ Կանլի Կագանի նկատմամբ:

Աշխարհի առաջնության ցերեկվա մրցահերթում այսօր ռինգ դուրս կգա նաև Եվրոպայի առաջնության բրոնզե մեդալակիր Նարեկ Մանասյանը և կմենամարտի Իսպանիայի ներկայացուցիչ Էմանուել Ռեյեսի հետ:–0–