ԵՐԵՎԱՆ, 9 սեպտեմբերի./Նովոստի–Արմենիա/. Բոսնիա և Հերցեգովինայի ֆուտբոլի հավաքականի գլխավոր մարզիչ Ռոբերտ Պրոսինեչկին հրաժարական է տվել Եվրո–2020–ի ընտրական փուլի շրջանակում Հայաստանից կրած պարտությունից հետո։ Այս մասին հաղորդում է «Футбол на куличках» կայքը` հղում անելով Բոսնիա և Հերցեգովինայի ֆուտբոլի ֆեդերացիայի պաշտոնական կայքին։
Загружается новость ... "Лево"
Հայաստանի ու Բոսնիա և Հերցեգովինայի հավաքականների միջև հանդիպումը տեղի է ունեցել Երևանի «Հանրապետական» մարզադաշտում։ Դուբլի և գոլային փոխանցման հեղինակ դարձավ Հայաստանի հավաքականի ավագ և կիսապաշտպան Հենրիխ Մխիթարյանը, իսկ հաղթական գոլի հեղինակ դարձավ պաշտպան Հովհաննես Համբարձումյանը։ Բոսնիացիների կազմում գոլի հեղինակներ դարձան Էվին Ջեկոն և Ամեր Գոյակը, իսկ Ստեպան Լոնչարը գրանցեց ինքնագոլ։
Խորվաթ մասնագետը գլխավորել է թիմը 18 հանդիպումների ընթացքում, որոնց ժամանակ թիմը տարել է 7 հաղթանակ և կրել 5 պարտություն։–0–
