«Ճանապարհ դեպի Ռիո». բռնցքամարտիկ Վլադիմիր Մարգարյան

ԵՐԵՎԱՆ, 10 հունիսի. /Նովոստի–Արմենիա/. Ռիո դե ժանեյրոյի 31-րդ ամառային Օլիմպիական խաղերից առաջ Հայաստանի ազգային օլիմպիական կոմիտեն շարունակում է «Ճանապարհ դեպի Ռիո» նախագիծը, որտեղ ներկայացնում է Օլիմպիական խաղերում Հայաստանը ներկայացնող մարզիկներին և նրանց օլիմպիականների լուսանկարները։

Նախագծի հաջորդ հերոսը բռնցքամարտիկ Վլադիմիր Մարգարյանն է (69 կգ): Վլադիմիրը Երևանից է, ծնվել է 1991 թվականին: Բռնցքամարտն ընտրել է, քանի որ հայրը ևս բռնցքամարտով է զբաղվել: Ինչպես այս սպորտաձևի շատ մարզիկների, այնպես էլ նրա սիրած բռնցքամարտիկը Մուհամեդ Ալին է:

«Ճանապարհ դեպի Ռիո». բռնցքամարտիկ Արթուր Հովհաննիսյան>>

Վլադիմիրը նպատակասլաց և չհանձնվող անձնավորություն է, բացի այդ, առաջին հայացքից շատ լուրջ տեսք ունեցող մարզիկը սուր հումոր ունի: Նկարահանման ամբողջ ընթացքում նա չէր դադարում կատակել և բարձր տրամադրություն փոխանցել բոլորին: Վլադիմիրը սիրում է նաև գրքեր կարդալ:  

 -Խաղերին ի՞նչ թալիսման ես հետդ տանելու:

-Թալիսման չեմ տանում հետս, խաչս է:

-Ո՞ւմ կուզեիր կողքիդ կամ հանդիսականի մեջ տեսնել:

-Ռոնալդինիոյին (ծիծաղում է): Հայրիկիս, կցանկանիայի, որ նա կողքիս լիներ:

-Ո՞ւմ հետ ես առաջինը կիսելու հաջողությունդ:

-Ռինգից դուրս գալուց հետո առաջինն ում հանդիպեմ՝ ընկեր Աղամալյանին (խմբ. հավաքականի մարզչին):

-Երեք բառով նկարագրիր Օլիմպիական խաղերը:

-Տոն, քրտնաջան աշխատանք և պայքար:

-Ինչպե՞ս կուզեիր, որ հիշվեին այս Օլիմպիական խաղերը:

-Լավ մասնակցությամբ:–0–