Հայ զինծառայող ձյուդոյիստ Շահեն Աբաղյանը, հաղթելով ադրբեջանցի մարզիկին, հռչակվեց Եվրոպայի գավաթակիր

ԵՐԵՎԱՆ, 2 ապրիլի. /Նովոստի–Արմենիա/. Աթենքում մեկնարկել է Ձյուդոյի երիտասարդական Եվրոպայի Գավաթի խաղարկությունը, հաղորդում է ՀԱՕԿ լրատվության բաժինը։

Մրցումային առաջին օրը մրցագորգ էին դուրս եկել 55 կգ, 60 կգ, 66 կգ և 73 կգ քաշային կարգ ունեցող մարզիկները:

55 կգ քաշային Շահեն Աբաղյանը մեկնարկային գոտեմարտում առավելության հասավ թուրք Չելիկ Էմրեի նկատմամբ, այուհետև հաղթեց վրացի Գիորգի Նիազաշվիլիին և Զուրաբ Կախնիաշվիլիին:

Եզրափակչում հայ ձյուդոյիստը պարտության մատնեց ադրբեջանցի Նաթիգ Գուրբանլիին և դարձավ Եվրոպայի գավաթակիր:

Շահեն Աբաղյանը ծառայում է ՀՀ Բանակի կենտրոնական մարզական ակումբում: 2015 թվականի լավագույն զինվոր-մարզիկների տասնյակում է:–0–