ԵՐԵՎԱՆ, 17 փետրվարի. /Նովոստի–Արմենիա/. Պատանեկան Օլիմպիական խաղերում Հայաստանը ներկայացնող գեղասահորդուհի Անաստասիա Գալուստյանը զբաղեցրեց 10-րդ հորիզոնականը, հաղորդում է Հայաստանի ազգային օլիմպիական կոմիտեն։
Գեղասահքի ազատ ծրագրում Գալուստյանը հանդես եկավ 8-րդ համարի ներքո և հավաքեց 77,32 միավոր: Երկու ծրագրերի արդյունքում Գալուստյանը հավաքեց 133,21 միավոր և զբաղեցրեց 10-րդ տեղը:
Հայ գեղասահորդուհու մարզիչն այդքան էլ գոհ չէ պատանեկան Օլիմպիադայի մրցավարությունից>>
Պատանեկան երկրորդ Օլիմպիական խաղերի կանանց մենասահքի չեմպիոն դարձավ Ռուսաստանի ներկայացուցիչ Պոլինա Սլուցկայան, ով հավաքեց 188,04 միավորով:
Պատանեկան Օլիմպիական խաղերում Հայաստանը ներկայացել է երկու մարզիկներով` դահուկորդ Միքայել Միքայելյան և գեղասահորդ Անաստասիա Գալուստյան:
Պատանեկան Օլիմպիական խաղերն անցկացվել են Նորվեգիայում։–0–
