Երկրպագուները ցնծությամբ են դիմավորել Ռոման Բերեզովսկուն Հանրապետական մարզադաշտում

ԵՐԵՎԱՆ, 25 մարտի. /Նովոստի–Արմենիա/. Երևանի Հանրապետական մարզադաշտում մեծարել են Հայաստանի հավաքականի լեգենդար դարպասապահ Ռոման Բերեզովսկուն, ով այսօր վերջին անգամ է դաշտ դուրս եկել Հայաստան–Բելառուս ընկերական հանդիպման ժամանակ։

Ռոման Բերեզովսկին հույս ունի մարզել Հայաստանի հավաքականը>>

Մարզադաշտում փակցված է Բերեզովսկու նկարով մեծ պաստառ։ Երկրպագուների ձեռքերում կան պաստառներ, որոնց վրա գրված է «Մեր կուռքը, մեր պատմությունը»։

19 տարիների ընթացքում Բերեզովսկին Հայաստանի հավաքականի հիմնական դարպասապահն է եղել` մասնակցելով 93 հանդիպման։ Խաղացած խաղերի թվով Բերեզովսկին զիջում է միայն Սարգիս Հովսեփյանին (132 խաղ)։ Նա մինչ օրս ռեկորդակիր է ԽՍՀՄ և Ռուսաստանի մրցաշարերի մասնակցած դարպասապահների` հետ մղած 11–մետրանոցների թվով։ 

Ավարտելով խաղային կարիերան 2015 թվականին` Բերեզովսկին այժմ դարպասապահների է մարզում Մոսկվայի «Դինամո»–ում։–0–